معلومات عن البادجي وترويضه

السلام عليكم ورحمة الله وبركاته ))
بداية عن البادجي


ْالاسم العربي : الدرة الاسترالي _ الطائر الطيب ـ عاشق و معشوق ـ واسم ×طائر الحب خطأ ×
الموطن الاساسي :قارة استرالية في ولاية فكتوريا جنوب ويلز


الحجم : الطائر البري = 15 ـ 16 ســـم
الطائر المنزلي = 18 ســـــم

الغذاء: حبوب الطيور + الخضروات المقطعة ( الخس ـ الجرجير ـ اوراق الملفوف الابيض ـ جزر مبشور ـ ذرة )+الفواكه

طريقة المعيشة : فردية وجماعية ( الفردية افضل للتربية السريعة ) ولكل منها طريقة واسلوب خاص

التفريخ : سهل جدا وممكن في جميع اوقات السنة تضع الانثى من 5ـ7 بيضات بمعدل بيضة كل
يومين

البادجي

هو الطائر الإسترالي و معروف في دول الخليج بإسم طائر الحب . البادجي بعكس اعتقاد الكثير من الناس ، ليس عصفور عادي مثل الكناري و غيرها من الطيور المستحيل تدريبها ، لكنه ببغاء صغير و ممكن جدا انه يتعلم كلمات معدودة و لكن في حالات التدريب المكثف و عدم وجد طيور اخري معه .

اذا كنت من محبي البغبغانات و نفسك تشتري واحد لكن اسعارها خيالية بالنسبة لك ، او عندك اطفال نفسهم في طيور و متحبش تبهدل البيت :d ، او بتحب الطيور بس بتخاف من الكبير منها ، يبقي مفيش غير البادجي ينفعك


البادجي طائر صغير الحجم و ألوانه زاهية و صوته جميل

و يوجد منه انواع منها البادجي العادي و الإنجليزي ( هو نفس النوع و لكن جسمه كبير و اضخم من الإسترالي المعروف ) و يوجد البادجي ابو شوشة ( ريش الراس طويل و عامل زي الشوشة )

اكرر هذه الطريقة ، طريقتي في تدريب طيوري و الحمد لله الي الأن دربت 3 بادجي منهم انثتين تزاوجوا و لا يزالوا مدربين ، و الثالث ذكر استرالي اسمه تيكي شديد الإرتباط بي الحمد لله ، لو اختلف معايا حد في الطريقة اقول له ( الإختلاف في الرأي لا يفسد للود قضية )

أولا العمر المناسب عشان تجيب طائر استرالي و تدربه ، هو عمر شهر ، و الطائر صغير و بدأ يأكل لوحده و يعتمد علي نفسه

تجيب الطائر اللي يعجبك و ابتعد عن المريض خالص و اللي عنده نقص في الأملاح و الفيتامينات ، عصفوري تيكي كان ضعيف و اخد مجهود كبير حتي يتعافي ، الأحسن تشتري الصحي

اول ما تجيب الطائر سيبه يومين بس و حط له اكل و مية من غير ما تحاول تمسكه ، و خليك معاه اطول وقت ممكن ، امضي وقتك كله امامه و لاحظه و كلمه

في اليوم الثالث يبدأ الشغل

في الصباح الباكر اول ما يصحي من النوم حيكون جعان و عايز ياكل.... من الليلة اللي قبلها شيل الأكل و المية من عنده

و لما يصحي طلعه برة القفص و شيل القفص من قدامه خالص ، في غرفة تانية عشان ميهربش عليه

و جيب الأكل في ايدك وحط شوية صغيرة و قربها منه ، لو هرب منك ، متمسكهوش ، مع ان الطير في العمر ده بيطير مسافة قصيرة جدا .. مش محتاج تروعه و تخوفه و تمسكه

خلي الاكل قدامه في ايدك و هو حيجي و يأكل منها

الطيور في العمر ده مش بتعرف تشرب لوحدها اوي لدرجة انه يتهيأ لك انه عنده جفاف !

ابقي بلل اصبعك في المية و حطها في الحبوب و خليه يلتقط الحب من اصبعك و لو عايز تشربه ... بلل اصبعك و خليه يلحس المية منه .. حيشرب نقطة او اتنين بالكتير بعد كده ينفض المية و يرفض الشرب ... متغصبش عليه

الطير في العمر ده بيبقي لسه محتاج لحنان الأم و غير متعود علي الحياة بره العش

و كل ما تيجي تشيله حتلاحظ انه بيجري علي الجاكت او اي حته مظلمة في هدومك و يدفس نفسه فيها عشان ينام

خليه ينام و متقلقش عليه ... و خليه يحس بالدفء معك ... بالطريقة دي حيبدأ خطوات ارتباطه بيك و يتعود عليك سريعا

ممكن جدا تخلي الطير طليق في البيت من غير قفص

جيب شجرة زينة مثلا صناعية .... او طاولة صغيرة و حط عليها اطباق الأكل و المية بتاعته و الألعاب

هو حيتعود علي المكان و يفضل فيه

و ممكن تشتري استاند البغبغانات و يعيش عليه ، بس لازم تقص له ريش الجناحات عشان ميطيرش بعيد و يتأذي

داوم علي تأكيله من يدك و من و هو صغير حك له رأسه ... الطيور بتحب الحركة دي جدا ... خصوصا لو كانت وحيدة حتلاحظ انه يلفت انتباهك و ينفش ريش وشه و يستني تحك له رأسه

تدريب الإسترالي من عمر شهر يأخد معاك شهر بالضبط ... و بعد كده حتنعم باحلي صديق يجري وراك و يستناك لما ترجع من الشغل عشان تلاعبه و يجري عليك لما تأكل و يخطف الأكل منك

مشكورررررررررررررررررررررررررررررررررررررررررررررر

ممتع ومفيددددددددد